ਤੂੰ ਫੁੱਲਾਂ ਵਰਗੀ ਏਂ
ਸਾਨੂੰ ਮਹਿਕਾਂ ਦੇ ਜਾਵੀਂ
ਦੋ ਰੁੱਗ ਭਰ ਹਾਸਿਆਂ ਦੇ
ਸਾਡੇ ਕੋਲੋਂ ਲੈ ਜਾਂਵੀਂ
ਦੋ ਪਲ ਦੇ ਲਈ ਬਹਿ ਕੇ
ਪਾ ਜਾਂਈਂ ਮੁੱਲ ਬਹਾਰਾਂ ਦਾ
ਨੀ ਮੈਂ ਵਿਹੜੇ ਲਾਉਣਾ ਏ
ਬੂਟਾ ਤੇਰੇ ਮੇਰੇ ਪਿਆਰਾਂ ਦਾ
___________________
ਤੇਰੇ ਬੋਰ ਝਾਂਜਰਾਂ ਦੇ
ਭੁਲੇਖੇ ਪਾਉਂਦੇ ਮੋਰਾਂ ਨੂੰ
ਕਿਤੇ ਨਜ਼ਰ ਨਾ ਲੱਗ ਜਾਵੇ
ਇਹਨਾਂ ਪੈੰਦੇ ਸ਼ੋਰਾਂ ਨੂੰ
ਤੇਰੇ ਸਿਰ ਤੋਂ ਵਾਰ ਮਿਰਚਾਂ
ਤੇਰੀ ਨਜ਼ਰ ਉਤਾਰਾਂਗਾ
ਨੀ ਮੈ ਵਿਹੜੇ ਲਾਉਣਾ ਏ
ਇਕ ਬੂਟਾ ਪਿਆਰਾਂ ਦਾ
ਤੇਰਾ ਕਾਲਾ ਡੋਰੀਆ ਨੀ
ਸੱਪ ਵਾਂਗ ਮੇਲ੍ਦਾ ਏ
ਸਾਡਾ ਦਿਲ ਹਾਣਦੀਏ
ਤੇਰੀਆਂ ਉਂਗਲਾਂ ਤੇ ਖੇਲਦਾ ਏ
ਆਹ ਸਾਂਭ ਕੇ ਰੱਖ ਲਈੰ
ਤੂੰ ਦਿਲ ਦਿਲਦਾਰਾਂ ਦਾ
ਅਸੀਂ ਵਿਹੜੇ ਲਾਉਣਾ ਏ ਬੂਟਾ
ਤੇਰੇ ਮੇਰੇ ਪਿਆਰਾਂ ਦਾ
__________________
ਨੀ ਮੈ ਸਭ ਕੁਝ ਬਹਿ ਗਿਆ ਹਾਂ
ਤੇਰੇ ਅੱਗੇ ਹਾਰ ਅੜੀਏ
ਬੇਬੇ ਨੇ ਪੀਣਾ ਏ ਸਿਰੋਂ ਪਾਣੀ ਵਾਰ ਅੜੀਏ
ਸਾਰੀ ਉਮਰਾਂ ਲਈ ਚੁੱਕਣਾ ਮੈਂ ਨਖਰਾ ਸਰਕਾਰਾਂ ਦਾ
ਅਸੀਂ ਵਿਹੜੇ ਲਾਵਾਂਗੇ
ਬੂਟਾ ਤੇਰੇ ਮੇਰੇ ਪਿਆਰਾਂ ਦਾ
ਨੀ ਮੈ ਵਿਹੜੇ ਲਾਉਣਾ ਏ
ਇਕ ਬੂਟਾ ਪਿਆਰਾਂ ਦਾ
ਜੀਹਨੂੰ ਵੇਖ ਚੇਤਾ ਆਊ ਤੈਨੂੰ ਨਿੱਤ ਦਿਲਦਾਰਾਂ ਦਾ
No comments:
Post a Comment